Bhandara: पोहायला गेलेल्या विद्यार्थ्याचा पाण्यात बुडून मृत्यू; मृतदेहाचा शोध अद्यापही सुरुच

भंडारा: मित्रांसोबत पोहायला गेलेल्या ११ वी च्या विद्यार्थ्यांचा पाण्यात बुडून मृत्यू (Drowned In Water) झाल्याची घटना भंडारा जिल्ह्याच्या (Bhandara) लाखनी तालुक्यातील चाना येथे घडली आहे. आदित्य विजय वाघाये ( 17 ) रा. केसलवाडा - वाघ असे मृतक विद्यार्थ्यांचे नाव असून तो स्व. निर्धनराव पाटील वाघाये कनिष्ठ महाविद्यालयाचा अकरावीचा विद्यार्थी होता. (Bhandara Latest News)

आदित्य आपल्या मित्रांसोबत पोहण्यासाठी चाना शेत शिवाराच्या नाल्यावरील बंधाऱ्यावर पोहण्यासाठी गेला होता. नाल्याच्या पाळीवर कपडे आणि चपला काढून तो पाण्यात पोहण्यासाठी शिरला. मात्र बंधाऱ्यातील खोल पाण्याचा अंदाज न आल्याने तो पाण्यात बुडाला. ही बाब त्याच्यासोबत असलेल्या मित्राला लक्षात येताच त्याने मोबाईलद्वारे ही माहिती आदित्यच्या कुटुंबियांना दिली.

कुटुंबियांनी ही माहिती लाखनी पोलिस स्टेशनला दिली. यानंतर केसलवाडा-वाघ येथील पोहणाऱ्या युवकांच्या मदतीने त्याच्या आदित्यचा शोध घेण्यात आला. मात्र, पाण्याचा प्रवाह जास्त असल्याने शोध कार्यात बाधा निर्माण होत आहे, त्यामुळे अद्यापही आदित्यचा शोध सुरुच आहे.

Edited By - Akshay Baisane