Accident News : एसटी बसला ट्रकची जोरदार धडक, बसमधील 25 प्रवासी थोडक्यात बचावले

नवनीत तापडिया

छत्रपती संभाजीनगर : धुळे-सोलापूर राष्ट्रीय महामार्गावर एसटी बस आणि ट्रकच्या भीषण अपघाताची घटनासमोर आली आहे. घटना घडली त्यावेळी बसमध्ये 25 प्रवासी होते. मात्र सुदैवाने या घटनेत कोणतीही जीवितहानी झालेली नाही. रात्री 11.30 वाजेच्या सुमारास ही घटना घडली.

छत्रपती संभाजीनगरहून एक मालवाहतूक ट्रक जात असताना त्या ट्रकला एसटी बसने आडुळजवळील हॉटेल महाराष्ट्र समोर ओव्हरटेक केलं. त्यानंतर ट्रकने बसला पाठीमागून जोरदार धडक दिली. या धडकेननंतर बस चालकांचे बसवरील नियंत्रण सुटल्याने बस दुभाजकाला धडकली.

या अपघातात बसमधील जवळपास 25 प्रवासी गंभीर जखमी झाले आहे. अपघात होताच ट्रक चालक ट्रक सोडून घटनास्थळावरुन पसार झाला. या अपघाताची माहिती पाचोड पोलिसांना मिळताच पोलीस घटनास्थळी दाखल झाले. (Latest Marathi News)

पोलिसांना जखमींना तात्काळ छत्रपती संभाजीनगर येथील शासकीय रुग्णालयामध्ये उपचारासाठी दाखल केले. अपघातानंतर आडुळ बायपासवर वाहनांची अर्धा किमीपर्यंत रांग लागली होती. मात्र काही वेळातच पोलिसांनी वाहतूक सुरळीत केली.