Solapur Traffic Police: सोलापुरात वाहतूक पोलिस अॅक्शन मोडवर, १२ हजार वाहनचालकांना पोलिसांच्या नोटिसा..

Solapur Traffic Police: सोलापूर शहरात वाहतूकीचे नियम मोडणाऱ्यांवर पोलिसांकडून कारवाईचा बडगा उगारला जात आहे. वाहतूक पोलिस आता अॅक्शन मोडवर आली असून, १२ हजार बेशिस्त वाहनधारकांना वाहतूक पोलिसांनी नोटिसा पाठवल्या आहेत. १४ डिसेंबरला लोकअदालीत उपस्थित राहून त्यांना दंडाची रक्कम भरावी लागणार असून, यामध्ये ७ हजार बेशिस्त वाहनधारकांना कोर्टाने समन्स बजावला आहे. तसेच ४०० चालकांचे वॉरंट काढण्यात आले आहेत. बेशिस्त वाहनचालकांवर आळा घालण्यासाठी वाहतूक पोलिसांकडून हे महत्वाचे पाऊल उचलण्यात येत आहे.

वाहतूकीचे नियम तोडून वाहन चालविल्याप्रकरणी दंड आकारलेल्या वाहनधारकांना यापुर्वी वॉरंट, समन्स बजावण्यात येत होते. मात्र तरीही ते न्यायलयात हजर झाले नाहीत. अशा वाहतूकीचे नियम मोडणाऱ्यांवर आता योग्य ती कारवाई केली जाईल. शहरातून वाहन चालविताना मर्यादित वेग, दुचाकीवकर ट्रिपलसीट नको, विरूद्ध दिशेने वाहन चालवणे टाळणे, ड्रिंक अँड ड्राईव्ह, कार चालविताना सीटबेल्टचा वापर, लेन कटिंग नको, क्षमतेपेक्षा जास्त प्रवासी नको तसेच इतर काही वाहतूक नियम आहेत. तरीसुद्धा अनेक जण हे नियम सर्सास मोडतात. त्या बेशिस्त वाहनचालकांवर शहर वाहतूक पोलिसांकडून दंडात्मक कारवाई केली जात आहे.

सोलापुरात अशा बेशिस्त १२ हजार वाहनचालकांना वाहतूक पोलिसांनी लोकअदालतीच्या अनुषंगाने नोटिसा पाठवल्या आहेत. त्यांना दंड भरावाच लागेल. अन्यथा समन्स बजावून दंड भरणाऱ्यांवर वॉरंट काढला जाईल. त्यामुळे प्रत्येक बेशिस्त वाहनचालकांना दंड भरावाच लागेल. अशी माहिती वाहतूक शाखेकडून देण्यात आली आहे. वाहनचालकांनी नेमका कोणता नियम मोडला. याचा फोटो देखील देण्यात येतो. त्यामुळे शक्यतो कोणालाच चुकीचा दंड आकारण्यात येणार नाही. तसे झाल्यास दंड रद्द देखील करण्यात येईल.

याबाबत सोलापूर शहरातील सहायक पोलिस आयुक्त सुधीक खिराडकर म्हणतात, 'येत्या १४ डिसेंबर रोजी सोलापुरात लोकअदालतीचे आयोजन करण्यात आले आहे. ज्या वाहनधारकांवर वाहतूक नियम मोडल्याने दंडात्मक कारवाई झाली. त्यांनी लोकअदालीत येऊन दंड भरावा. त्यापुर्वी त्या वाहनधारकांना वाहतूक पोलिसांच्या माध्यमातून दंडाची रक्कम भरता येईल. किंवा शहरातील वाहतूक पोलिसांच्या कार्यालयात जाऊन हा दंड भरता येईल. याशिवाय वाहतूक पोलिसांकडील ई- चालनाच्या मशिनद्वारे देखील दंड भरता येईल.