गोरेगावला निघालेल्या वऱ्हाडाचा अपघात; सहा जखमी, चाैघांची प्रकृती चिंताजनक

हिंगाेली : लग्नाचे वऱ्हाड घेऊन जाणार्‍या वाहनास हिंगोलीच्या (hingoli) सेनगाव (sengoan) तालुक्यातील गोटवाडी (gotwadi) जवळ अपघात (accident) झाला. या अपघातात एकूण सहा जण जखमी (injured) झाले आहेत. त्यापैकी चौघांची प्रकृती चिंताजनक असल्याची प्राथमिक माहिती उपलब्ध झाली आहे. (hingoli accident news)

या अपघाताबाबत अधिक माहिती अशी : आजेगाव येथून गोरेगाव येथे एका विवाह सोहळ्यासाठी वाहनातून व-हाडी मंडळी निघाली हाेती. रस्त्याने एका दुचाकी चालकास वाचविण्यास गेलेल्या वाहन चालकाचे वाहनावरील नियंत्रण सुटल्याने वाहन उलटे होऊन थेट एका शेतात घुसले.

या अपघातात सहा जण जखमी झाले आहेत. त्यापैकी चार जणांची प्रकृती चिंताजनक आहे असे चाैघांवर उपचार करणा-या वैद्यकीय अधिका-यांनी सांगितले. या घटनेप्रकरणी गोरेगाव पोलिसांनी अपघाताची नोंद केली आहे.

Edited By : Siddharth Latkar