शनिशिगणापूरनंतर शिर्डीत ऑनलाईन गंडा,शिर्डी संस्थांनच्या नावानं बोगस वेबसाईट

साईबाबांच्या दर्शनासाठी हजारो साईभक्त दरवर्षी शिर्डीत दाखल होतात. त्यामुळे वास्तव्यासाठी साईसंस्थानच्या भक्त निवासाला साईभक्तांकडून प्राधान्य दिलं जातं.. त्यातच ऐनवेळी होणारी तारंबाळ टाळण्यासाठी साईभक्तांकडून ऑनलाईन वेबसाईटवर रूम बुकिंग केली जाते.. मात्र याचा गैरफायदा काहींनी घेतलाय...साईसंस्थान भक्तनिवासाच्या नावाने बनावट वेबसाईट बनवून साईभक्तांची आर्थिक फसवणुक केल्याचंही उघड झालयं.. कर्नाटकातील रामू जाधव याच्यासोबतही असाच प्रकार घडलाय...

साईसंस्थाननं याप्रकरणाची चौकशी करून पैसे परत मिळवून द्यावे, अशी मागणी फसवणूक झालेल्या साईभक्तांनी केलीय.

बनावट वेबसाईटच्या माध्यमातून याआधीही अनेक साईभक्तांची रूम बुकिंग, देणगी आणि दर्शनाच्या नावाने फसवणूक झाल्याचं निदर्शनास आलयं..त्यामुळे साई संस्थानने या सगळ्या प्रकाराची गांभीर्याने दखल घेऊन कठोर कारवाई करायला हवी. अन्यथा ऑनलाईन गंडा घालणारे साईंचा गाभाराही पोखरायला मागेपुढे पाहणार नाही...