Sharad Mohol Case: स्वाती मोहोळ धमकी प्रकरणी मोठी अपडेट; ससून रुग्णालयातून आरोपी फरार

सचिन जाधव

Pune Crime News:

पुण्यातील कुख्यात गुंड शरद मोहोळच्या (Sharad Mohol) हत्येनंतर पोलिसांनी तपासाची सूत्र वेगाने फिरवली आहेत. या प्रकरणी दररोज नवीन खुलासे समोर येत आहेत. अशात आज शरद मोहोळच्या पत्नीला धमकवणारा आरोपी ससून रुग्णालयातून पळाला आहे. मार्शल लीलाकर असे ससूनमधून पळून गेलेल्या आरोपीचे नाव आहे.

नेमकं प्रकरण काय?

पुण्यात ५ जानेवारी रोजी कुख्यात गुंड शरद मोहोळची हत्या झाली. हत्येनंतर या प्रकरणी पोलिसांनी आतापर्यंत १६ जाणांना अटक केली आहे. मुन्ना पोळेकर हा या प्रकरणातील मुख्य सूत्रधारांपैकी एक आहे. ५ फेब्रुवारी रोजी शरद मोहोळच्या पत्नी स्वाती मोहोळ यांना जीवे मारण्याची धमकी देण्यात आली होती.

ही धमकी मुन्ना पोळेकरच्या बनावट सोशल मीडिया अकाऊंटवरून देण्यात आली होती. पोलिसांनी तपासाची सूत्र फिरवून ९ जानेवारी रोजी धमकी प्रकरणी मार्शल लीलाकरला अटक केली. मार्शलला वैद्याकीय तपासणीसाठी ससून रुग्णालयात दाखल करण्यात आलं होतं. मात्र पोलिसांच्या हातावर तूरी देऊन त्याने तेथून पळ काढला आहे.

आरोपींना ७ दिवसांची मोक्का कोठडी

शरद मोहोळ हत्या प्रकरणात आरोपींना ७ दिवसांची मोक्का कोठडी सुनावण्यात आली आहे. आरोपी गणेश मारणे, विठ्ठल शेलार यांच्या मोबाईलमधून महत्त्वपूर्ण ६ ऑडियो क्लिप पोलिसांना मिळाल्यात. त्यामार्फत आणखी माहिती हाती लागू शकते असा अंदाज पोलिसांनी वर्तविला आहे. त्यामुळे आरोपींना ७ दिवसांची मोक्का कोठडी सुनावण्यात आलीये. या प्रकरणाचे मुख्य सूत्रधार गणेश मारणे, विठ्ठल शेलार, मुन्ना पोळेकरसह इतर आरोपींना ७ दिवसांची मोक्का कोठडी मिळाली आहे.