साताऱ्यात आल्या आल्या उदयनराजेंनी काढली जिप्सी अन्...

सातारा : प्रदिर्घ कालावधीनंतर कर्मभुमीत परतलेल्या खासदार उदयनराजे भाेसले udayanraje bhosale यांनी आज (बुधवार) त्यांच्या आवडत्या जिप्सी या वाहनातून राजपथावर फेरफटका मारला. या फेरफटक्यात ते ज्येष्ठांसह युवा वर्गाची गाठभेट घेत मार्गक्रमण हाेत हाेते.

काही दिवसांपू्र्वी खासदार उदयनराजे भाेसले यांना कोरोनाची बाधा झाली हाेती. त्यांच्यावर पुण्यातील एका रुग्णालयात उपचार सुरु होते. उपाचारानंतर ते पुन्हा साता-यात परतले आहेत. आता ते फिट अँड फाइन झाल्याचे पाहायला मिळाले. साता-यात आल्या आल्या त्यांनी त्यांच्या आवडत्या काळ्या रंगाच्या जिप्सीतून जलमंदिर पॅलेस पासून शहरात फेरफटका मारला.

दरम्यान या फेरफटक्यात त्यांनी ज्येष्ठांची आणि युवकांची गाठभेट घेतली. त्यावेळी नागरिकही त्यांचे आस्थेवाईकपणे चाैकशी करीत हाेते. उदयनराजे त्यांच्या स्टाईलने नागरिकांना उत्तर देत हाेते.

Edited By : Siddharth Latkar