Bandatatya Karadkar: 'मुखाने बाेलतात रामकृष्ण हरी त्यांनीच केली बदनाम नारी'; एनसीपीच्या महिला आक्रमक

सातारा : ह.भ.प बंडातात्या कराडकर यांच्या राज्यातील महिला नेत्यांविषयी केलेल्या वक्तव्याचा सातारा जिल्हा राष्ट्रवादीने (ncp) आज (शुक्रवार) येथे निषेध नाेंदवला. पाेवई नाका येथे राष्ट्रवादी काॅंग्रेसच्या महिला पदाधिकारी आणि कार्यकर्त्या जमल्या. यावेळी गुरुवारी झालेल्या आंदाेलनात बंडातात्यांनी (bandatatya karadkar) महिला नेत्यांविषयी चुकीचे वक्तव्य केले आहे त्यांनी नेत्यांची माफी मागितली पाहिजे अशी मागणी केली. (satara district ncp protest against bandatatya karadkar)

यावेळी महिलांनी हातात बंडातात्यांचा निषेध नाेंदविणारे फलक घेतले हाेते. मुखाने बाेलतात रामकृष्ण हरी त्यांनी केली बदनाम नारी अशी घाेषणा देत (satara) राष्ट्रवादी काॅंग्रेसच्या महिलांनी बंडातात्या कराडकरांचा निषेध व्यक्त केला.

दरम्यान आज सकाळी फलटण प्रिंप्रद येथे बंडातात्या कराडकर यांना पाेलिसांनी ताब्यात घेतलं आहे. साम टीव्हीशी बाेलताना बंडातात्यांनी माझी चाैकशी झाली नाही परंतु ते ठाण्यात करतील असे म्हटलं हाेते. राज्य महिला आयाेगाने बंडातात्यांच्या वक्तव्याची चाैकशी करावी अशी मागणी सातारा पाेलिसांना केली आहे.

Edited By : Siddharth Latkar