Satara Crime News: साताऱ्यात आदिवासी महिलेवर सामूहिक अत्याचार, ५ जणांवर गुन्हा दाखल

Satara Crime News: सातारा जिल्ह्यातील फलटण तालुक्यातून एक संतापजनक घटना उघडकीस आली आहे. कोळसा कारखान्यात एका आदिवासी महिलेवर ५ नराधमांनी सामूहिक बलात्कार केला आहे. १५ दिवसांपूर्वी हा प्रकार घडल्याचे पीडित महिलेने आपल्या जबाबात म्हटलं आहे. याप्रकरणी पोलिसांनी (Police) पाच जणांविरोधात गुन्हा दाखल केला असून घटनेचा तपास सुरू केला आहे.

मिळालेल्या माहितीनुसार, २८ वर्षीय पीडित महिला मूळ रायगड (Raigad News) जिल्ह्यातील माणगाव तालुक्यातील रहिवाशी असून ती कामानिमित्त आपल्या पती सासरा आणि मुलांसह सातारा (Satara News) येथे आली होती. पीडिता आणि तिचा पती फलटण तालुक्यातील सोनवडी बुद्रुक येथील कोळशाच्या कारखान्यात काम करतात.

१५ दिवसांपूर्वी कारखान्यात काम करत असताना आपल्यावर मालकासह पाच जणांनी बलात्कार (Crime News) केला, अशी तक्रार पीडितेने पोलिसात दाखल केली आहे. पीडित महिलेच्या फिर्यादीवरून पोलिसांनी पाच जणांविरोधात गुन्हा दाखल केला असून घटनेचा तपास सुरू केला आहे. या घटनेनं परिसरात खळबळ उडाली आहे.

Edited by - Satish Daud