सांगली : सांगली (sangli) जिल्हा मध्यवर्ती सहकारी बँकेच्या (dcc bank) अध्यक्षपदी शिराळ्याचे आमदार मानसिंगराव नाईक आणि उपाध्यक्षपदी जयश्री पाटील यांची बिनविरोध निवड झाली. श्रीमती पाटील यांची उपाध्यक्षपदी निवड झाल्यामुळे पहिल्यांदाच महिला संचालकास पदाधिकारी हाेण्याचा बहुमान मिळाला आहे. या निवडीनंतर समर्थकांनी फटाक्यांची आतषबाजी करत ढोल-ताशांच्या गजरात आनंदोत्सव साजरा केला. sangli district cooperative bank election result 2021
सांगली जिल्हा बँकेसाठी २१ नोव्हेंबरला मतदान झाले हाेते. त्यानंतर २३ नोव्हेंबरला मतमोजणी झाली होती. राष्ट्रवादी, कॉंग्रेस आणि शिवसेना या महाआघाडीच्या सहकार पॅनेलने १७ जागा मिळवित बॅंकेत सत्ता स्थापन केली हाेती. या निवडणुकीत भाजप प्रणित शेतकरी विकास पॅनेलला ४ जागांवर समाधान मानावे लागले हाेते.
महाआघाडीची सत्ता आल्यानंतर अध्यक्ष व उपाध्यक्षपदाच्या निवडीबाबत सर्वांना उत्सुकता लागूल राहिली होती. अध्यक्षपदासाठी आमदार मानसिंगराव नाईक हेच प्रबळ दावेदावर समजले जात हाेते तसेच उपाध्यक्षपदी कॉंग्रेसच्या जयश्री पाटील यांचे नाव चर्चेत होते. या दाेघांची नूतन पदाधिकारी म्हणून आज बिनविराेध निवड झाली.
edited by : siddharth latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.