Sangli Crime: समोरून आला, हातात कुऱ्हाड घेतली, पाठमोरा होताच घाव घातले; भाजप नेत्याच्या हत्येचा थरारक VIDEO

विजय पाटील, सांगली

सांगलीमध्ये भाजपचे नेते सुधाकर खाडे यांची दिवसाढवळ्या हत्या निर्घृण हत्या करण्यात आली. या घटनेने सांगलीमध्ये खळबळ उडाली आहे. सुधाकर खाडे यांच्या हत्येचा थरारक व्हिडीओ समोर आला आहे. जमिनीच्या वादातून त्यांची हत्या करण्यात आली. याप्रकरणी पोलिसांनी गुन्हा दाखल करत तपास सुरू केला आहे.

मिळालेल्या माहितीनुसार, भाजपचे पदाधिकारी आणि मनसेचे माजी जिल्हाध्यक्ष सुधाकर खाडे यांचा हत्या करण्यात आली. या घटनेचा घटनास्थळावरचा लाईव्ह व्हिडिओ आता समोर आला आहे. शेत जमिनीच्या वादातून ही हत्या झाल्याची माहिती समोर आली आहे.

सुधाकर खाडे हे आज मिरज शहरातल्या पंढरपूर रोडवरील राम मंदिर परिसरामध्ये एका शेताचा ताबा घेण्यासाठी गेले होते. यावेळी या ठिकाणी असणाऱ्या चंदनवाले कुटुंबातील महिलांनी सुधाकर खाडे यांना अडवण्याचा प्रयत्न केला. मात्र खाडेंनी महिलांना न जुमानता शेतामध्ये जाण्याचा प्रयत्न केला. या दरम्यान मागून आलेल्या चंदनवाले कुटुंबातील एका तरुणाने थेट खाडे यांच्या डोक्यात कुऱ्हाडीने वार केले. या घटनेचा धक्कादायक व्हिडीओ समोर आला आहे. व्हिडीओमध्ये महिलांच्या ओरडण्याचा आवाज ऐकायला येत आहे.

सुधाकर खाडे हे हल्ल्यामध्ये गंभीर जखमी झाले. त्यांना तात्काळ रुग्णालयामध्ये हलवण्यात आले. पण उपचारापूर्वीच डॉक्टरांनी त्यांना मृत घोषीत केले. घटनेची माहिती मिळताच मिरज पोलिसांनी घटनास्थळी धाव घेत तपास सुरू केला. याप्रकरणी पोलिसांनी आरोपींविरोधात गुन्हा दाखल करत तपास सुरू केला आहे. एकाला पोलिसांनी ताब्यात घेतले आहे. सुधाकर खाडे यांच्या हत्येमुळे सांगलीमध्ये खळबळ उडाली आहे.