Sambhajinagar News : मी मेल्यावर तुम्हाला देखणी बायको मिळेल; लग्नानंतर ४ महिन्यांतच चिठ्ठी लिहून महिला डॉक्टरने मृत्यूला कवटाळलं

रामू ढाकणे 

छत्रपती संभाजीनगर : देशभरात महिलांवरील अत्याचारांच्या घटनांमुळे संताप आणि चिंतेचा वातावरण असतानाच छत्रपती संभाजीनगरमध्ये एका महिला डॉक्टरने पतीच्या छळाला कंटाळून आत्महत्या केल्याची धक्कादायक घटना समोर आली. या घटनेमुळे खळबळ उडाली असून महिलेच्या वडिलांनी दिलेल्या फिर्यादीवरून डॉक्टर पतीविरुद्ध गुन्हा दाखल करण्यात आला आहे. 

प्रतीक्षा प्रीतम गवारे असे आत्महत्या केलेल्या (Doctor) डॉक्टर महिलेचे नाव आहे. प्रतीक्षा गवारे यांचे लग्न झाल्यानंतर अवघ्या चार महिन्यातच या पत्नीने आपलं जीवन संपविले आहे. मात्र तिने (Sambhajinagar News) आत्महत्येपूर्वी सात पानांची सुसाईड नोट लिहून आपल्या मनातील भावनांना वाट मोकळी करून दिली. प्रतीक्षाला तिचा नवरा कशाप्रकारे त्रास द्यायचा हे सगळं वास्तव तिने या चिठ्ठीत नमूद केले आहे. शिवाय यामुळे आपली मानसिक स्थिती बिघडल्याचही तिने या चिठ्ठीत सांगितल. 

पतीविरोधात गुन्हा दाखल 

दरम्यान या संपूर्ण प्रकरणी पती डॉ. प्रीतम गवारे याच्या विरोधात सिडको पोलीस ठाण्यात हुंडाबळी आणि आत्महत्येस प्रवृत्त केल्या प्रकरणी गुन्हा दाखल करण्यात आला आहे. पत्नीला दवाखान्यात दाखल केल्यानंतर डॉक्टर पती पसार झाला होता. इतकेच नाही तर पत्नीच्या अंत्यविधीला देखील तो आला नाही.