Nandurbar News : भारनियमनास कंटाळून युवा शेतक-यानं संपवलं जीवन

नंदुरबार : आसाणे येथील तरुण (youth) शेतकर्‍याने (farmer) रोजच्या भारनियमनाला व कर्जबाजारीला कंटाळून आत्महत्या केल्याची घटना समाेर आली आहे. समाधान हिरामण पाटील (वय ३८) असे आत्महत्या केलेल्या युवा शेतक-याचे नाव आहे. समाधान याच्या जाण्याने पाटील कुटुंबावर शाेककळा पसरली आहे.

नंदुरबार जिल्ह्यातील पूर्वपट्यात अद्यापही समाधानकारक पाऊस झालेला नाही. विहिरींना जेमतेम पाणी आहे. अशातच विजेचे रोज रात्रीचे भारनियमन गेल्या २ महिन्यापासूनसुरु आहे. अक्राळे सबस्टेशन अंतर्गत आठ दिवसाआड पूर्ण रात्रीचे भारनियमन चालू आहे. रात्री १२.३०ते सकाळी ८.३० वाजेपर्यंत भारनियमन चालु आहे.

शेतीला पाणी मिळत नसल्यानं समाधान पाटील यांच्या शेतातील पिके ही कोमजू लागली. त्यातच वारंवार लाईट ये जा करत असल्याने विद्युत पंप दोन वेळा नादुरुस्त झाला. आई वडील गेल्यानंतर ३ बहिणींचे लग्न याच भावाने केले. त्यामुळे डोक्यावर कर्ज झाले. कर्ज फेडू शकला नाही. सततची नापिकी, भारनियमनामुळे रोजचे जागरण, वारंवार खंडित होणारा वीजपुरवठा आदी कारणामुळे नैराश्य आल्याने समाधान पाटील याने घरात आत्महत्या केली. समाधान याच्या मागे ३ बहिणी, पत्नी, १२ वर्षांचा मुलगा व १४ वर्षाची मुलगी आहे.

Edited By : Siddharth Latkar