Washim Crime News : तहसिलदारांची धडक कारवाई, ट्रकसह 6 लाखांचा तांदुळ पकडला

- मनोज जयस्वाल

Washim Crime News : काळ्या बाजारात जाणारा लाखो रुपयांचा रेशन तांदूळ धाड टाकून पकडण्यात आला आहे. ही कारवाई वाशिम जिल्ह्यातील रिसोडच्या तहसीलदार यांनी रिसोड शहरातील महात्मा फुले नगर येथे केली. दरम्यान ट्रक चालकाचा शाेध पाेलीस घेताहेत. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या तपासणी वेळी गाडीत सरासरी अदांजे 510 तांदळाचे कटटे असल्याचे आढळुन आले आहे. या गाडीतील तांदुळ, धान्याची पाहणी केली असता प्रथम दर्शनी हा तांदुळ स्वस्तधान्य दुकानातुन (रेशन दुकान) वाटप करण्यात येणाऱ्या रेशनचा असल्याचे निदर्शनास आले आहे. (Maharashtra News)

या तांदळाची किंमत अंदाजे 6 लाख 25 हजार रुपये व ट्रकची किंमत अंदाजे दहा लाख असा एकुण 16 लाख 25 हजारांचा माल ताब्यात घेण्यात आला आहे. या प्रकरणात जीवनावश्यक वस्तु अधिनियम कायदा 1955 नुसार गाडीचे चालक व मालक यांचे विरुध्द फौजदारी गुन्हा दाखल करण्यात आला आहे.

Edited By : Siddharth Latkar