Maharashtra Politics : राज्यसभेत धुमशान, राऊत-पटेल भिडले; औकातीचा वाद दलालीपर्यंत गेला

Sanjay raut News : वक्फ विधेयकावरुन राज्यसभेत प्रफुल्ल पटेलांनी संजय राऊतांना डिवचलंय आणि वादाची ठिणगी पडली... राज्यसभेत नेमकं काय घडलं? त्यावर राऊतांनी काय प्रतिक्रीया दिलीय? आणि या वादामागे नेमकं काय राजकीय गणित आहे? पाहूयात या स्पेशल रिपोर्टमधून....

वक्फ सुधारणा विधेयकावरच्या चर्चेदरम्यान प्रफुल्ल पटेल आणि संजय राऊत यांच्यात चांगलीच खडाजंगी झाली... प्रफुल्ल पटेलांनी बाळासाहेब ठाकरे आणि मुंबई दंगलीचा उल्लेख करत संजय राऊतांची कोंडी करण्याचा प्रयत्न केला.. एवढंच नाही तर राऊत रंग बदलणारे असल्याचा टोला लगावला..त्यावर संतापलेल्या राऊतांनीही पलटवार केलाय...

प्रफुल्ल पटेलांची टीका चांगलीच जिव्हारी लागल्याने राऊतांनी थेट पटेलांना नागडा करण्याची भाषा केलीय... तर राऊतांच्या इशाऱ्यानंतर प्रफुल्ल पटेलांनी अंगूर खट्टे है म्हणत पुन्हा एकदा राऊतांना डिवचलंय...त्यामुळे प्रफुल्ल पटेल विरुद्ध संजय राऊत हा वाद आगामी महापालिका निवडणूकीपूर्वीच्या वातावरण निर्मितीसाठी आहे का? याचीच चर्चा रंगलीय... मात्र अजित पवारांच्या राष्ट्रवादीने स्पष्टपणे वक्फ सुधारणा विधेयकाच्या बाजूने तर ठाकरे गटाने विधेयकाच्या विरोधात भूमिका घेतल्याने अल्पसंख्यांक मतांचं विभाजन होणार का? याकडे लक्ष लागलंय...