Sai Resort News : बहुचर्चित साई रिसॉर्टच्या 'त्या' अतिक्रमणावर कारवाई सुरु (पाहा व्हिडिओ)

Sai Resort News : रत्नागिरी जिल्ह्यातील दापोली तालुक्यातील वादग्रस्त साई रिसाॅर्ट आणि सी काॅच प्रकरणी कारवाई सुरु झाल्याचे ट्विट आज भाजप नेते किरिट सोमय्या यांनी केले आहे. बांधकाम विभाग या ठिकाणच्या बेकायदेशिर कामावर कारवाई करीत आहे.

भाजप नेते किरिट सोमय्या यांनी साई रिसाॅर्ट आणि सी काॅच या ठिकाणी बेकायदेशिर बांधकाम केल्याचा ठपका माजी मंत्री अनिल परब (anil parab) यांच्यावर ठेवत कायदेशिर लढाई जिंकली. परब यांनी १५ हजार स्केअरफुट जमिन बळकावली असा आराेप केला हाेता.

सध्या या ठिकाणी जेथे बेकायदेशिर बांधकाम झाले आहे. तेथे कारवाईचा धडाका सुरु आहे. दरम्यान महसुल विभागाने मिळकतधारास नोटिस बजावली हाेती. आता जागेची मोजणी देखिल पुर्ण झाली आहे.

जिल्हा कोस्टल झोन नियंत्रण समितीची (dapoli) सोमवारी बैठक आहे. या बैठकित पुढील प्रक्रियेवर निर्णय होणार असल्याची माहिती प्राप्त झाली आहे.

Edited By : Siddharth Latkar