राज्यसभेच्या खासदार समितीने केली अलिबाग समुद्रकिनाऱ्याची पाहणी...

राजेश भोस्तेकर, रायगड

रायगड: अलिबाग समुद्रकिनारी पाणी प्रदूषणाबाबत असणाऱ्या कायद्याचे पालन प्रशासनाकडून केले जात आहे की नाही याबाबत आज राज्यसभेच्या बारा खासदारांची समिती रायगडात दाखल झाली. अलिबाग समुद्रकिनाऱ्याची पाहणी करून कुलाबा किल्याला समितीने भेट दिली. राज्यसभेच्या बारा खासदारांच्या समितीचा पाच दिवसांचा हा दौरा असून मुंबईत दोन दिवस पाहणी केल्यानंतर आज अलिबागला भेट दिली. त्यानंतर ही समिती गोवा राज्यात दोन दिवसांच्या दौऱ्यावर जाणार आहे. (RajyaSabha MP;s committee inspects Alibaug beach)

हे देखील पहा -

राज्यसभेत विविध कायदे बनविले जातात. पाणी प्रदूषणबाबतही कायदा राज्यसभेत पारित केला आहे. मात्र पाणी प्रदूषण कायदे हे पाळले जात नसल्याने त्याचे दुष्परिणाम हे भोगावे लागतात. पाणी प्रदूषण कायद्याची अंमलबजावणी राज्यातील प्रशासन हे योग्य पद्धतीने अमलबाजवणी करीत आहेत का यासाठी खासदारांची कमिटी स्थापन करण्यात आलेली आहे. या कमिटीमार्फत वेगवेगळ्या ठिकाणी जाऊन पाणी प्रदूषणाबाबत माहिती गोळा केली जाते. अलिबाग येथेही राज्यसभेच्या बारा खासदारांची समिती आज दाखल झाली.

अलिबाग समुद्रकिनारी पाहणी केल्यानंतर ही कमिटी कुलाबा किल्ला पाहण्यास गेली. कायद्याची अंमलबजावणी योग्य पद्धतीने होत आहे का, समुद्राचे प्रदूषण कमी करण्यासाठी काय उपययोजना करणे आवश्यक आहे. अधिकारी, प्रशासन यांना काय अडचणी येत आहेत. याबाबतची माहिती समितीमार्फत घेण्यात आली आहे अशी माहिती खासदार ऍड वंदना चव्हाण यांनी दिली.

यावेळी खासदार प्रतापसिग बजवा, खासदर वंदना चव्हाण, दुष्यांत चव्हाण, विकास महात्मे, राम विचार नेताम, नरसिंह राव, तिरुची सेवा, विशाल सिंह, अरुण शर्मा, रवींद्र कुमार, बी. के. सिन्हा, विवी एस खऱ्यात, प्रदीप तामता, विवेक तनखा या बारा खासदाराची समिती आली होती. यावेळी जिल्हाधिकारी महेंद्र कल्याणकर, जिल्हा पोलिस अधीक्षक अशोक दुधे, नगराध्यक्ष प्रशांत नाईक, नगरसेवक, अधिकारी उपस्थित होते.

Edited By - Akshay Baisane