पूरग्रस्तांना मदतीचे राज ठाकरेंचे आवाहन

मुंबई : महाराष्ट्र नवनिर्माण सेनेचे अध्यक्ष राज ठाकरे Raj Thackeray यांनी महाराष्ट्र सैनिकांना 'कोकण व पश्चिम महाराष्ट्रातील पुरग्रस्तांना मदत करा' असे आवाहन केले आहे. गेल्या आठवड्याभरात झालेल्या मुसळधार पावसाने कोकणासह Konkan पश्चिम महाराष्ट्रातील कोल्हापूर, सांगली व सातारा जिल्ह्यात मोठ्या प्रमाणात नुकसान झाले आहे. याच पार्श्वभूमीवर पुरग्रस्तांच्या समस्यांच्या जाणिवेतून असंख्य महाराष्ट्र सैनिकांचे मदतीचे हात पुढे आले आहेत.

हे देखील पहा -

मनसे नेते बाळा नांदगावकर Bala Nandgaonkar यांच्या सूचनेनुसार महाराष्ट्र नवनिर्माण सेना शिवडी भायखळा विधानसभा तसेच एकलव्य फाउंडेशन अध्यक्षा सृष्टी नांदगावकर यांच्या वतीने सहाय्यता सामुग्री व जीवनावश्यक वस्तू पूरग्रस्त भागातील लोकांना मदत स्वरूपात पाठवण्यात येणार आहेत.

पूरग्रस्तांना सहाय्यता सामुग्रीमध्ये पॅक केलेले अन्न, प्रथमोपचार किट, ब्लँकेट, कपडे, खाऊ, पाण्याच्या बाटल्या व भांडी अश्या स्वरूपाच्या जीवनावश्यक वस्तू पूरग्रस्त भागातील लोकांना मदत म्हणून देण्यात येणार आहेत. पूरग्रस्त भागातील गरजू लोकांना मदत करणे हे सर्वांचे कर्तव्य आहे, त्यामुळे जमेल तेवढी मदत करा असे आवाहन मनसे MNS नेते Leader बाळा नांदगावकर केले आहे.

Edited By : Krushnarav Sathe