मराठा आरक्षणप्रश्नी संभाजी सेनेचे रेल्वे रोको आंदोलन

दीपक क्षीरसागर

लातूर - मराठा समाजाला आरक्षण मिळावे या मागणीसाठी आज संभाजी सेनेने मराठवाड्यातील लातूर, परभणी, औरंगाबाद Aurangabad जिल्ह्यात रेल रोको Rail Roko आंदोलनाचा ईशारा दिला होता. त्या अनुषंगाने आज लातूर Latur जिल्ह्यातील पानगाव रेल्वे स्थानकावर संभाजी सेनेनं रेल रोको आंदोलन केले. पानगाव रेल्वे स्थानकावर नांदेड-बेंगलोर एक्सप्रेस रेल्वे रोखण्याचा प्रयत्न करण्यात आला. यावेळी पानगाव Pangaon रेल्वे स्थानकावर मोठा पोलीस बंदोबस्त तैनात करण्यात आल्यामुळे रेल्वे स्थानकाला पोलीस छावणीचे स्वरूप आले होते.

हे देखील पहा -

मोठ्या पोलीस बंदोबस्तामुळे रेल्वे रोखण्यापूर्वीच पोलिसांनी आंदोलकांना बाजूला केलं. यावेळी मराठा समाजाला आरक्षण मिळालेच पाहिजे अशी जोरदार घोषणाबाजी आंदोलक कार्यकर्ते करीत होते. परिणामी काही काळ रेल्वे थांबली होती. आंदोलन रोखण्यासाठी कालपासूनच पोलीस संभाजी सेनेच्या कार्यकर्त्यांची धरपकडही करीत होते. जर सरकारने मराठा समाजाला मिळालेले आरक्षण दिले नाही तर येत्या काळात यापेक्षा ही उग्र आंदोलनाचा इशारा संभाजी सेनेचे अध्यक्ष सुधाकर माने यांनी दिला आहे.

Edited By - Shivani Tichkule