सावधान! रेल्वे ट्रेनमधून प्रवास करताय, प्रवाशांच्या हॅंडबॅग चोरणाऱ्या टोळीचा पर्दाफाश

अकोला : रेल्वे प्रवाशांना लुटणाऱ्या टोळीचा पोलिसांनी पर्दाफाश केला आहे. रल्वे ट्रेनमध्ये प्रवाशांकडे असणाऱ्या हॅंडबॅगमधून चोरट्यांनी लाखो रुपयांचे दागिने (Handbag Robbery) लंपास केल्याच्या घटना घडल्या. मुंबई-नागपूर येथे जाणाऱ्या विदर्भ एक्स्प्रेसमध्ये प्रवासादरम्यान मुर्तिजापूर रेल्वे स्थानकावर चोरट्यांनी एक महिलेला लुटले. महिलेची हॅंडबॅग चोरून त्यात असलेले (Gold robbery) १४ तोळे सोने, मोबाईल, ६ हजार रोख रक्कम, कागदपत्रे असा एकूण दहा लाखांहून अधिक रुपयांचा ऐवज चोरट्यांनी लंपास केला.

मिळालेल्या माहितीनुसार, सदर महिलेने चोरीच्या घटनेची पोलिसांत नोंद केल्यानंतर एका संशयास्पद आरोपीला पोलिसांना (Police) ताब्यात घेतलं आहे. रईस शेख असं या आरोपीचं नाव आहे. त्यानंतर या आरोपीने चोरी केल्याचं कबुल केलं. त्यानंतर पोलिसांनी तपासाची सूत्रे वेगाने फिरवत शेखचा साथीदार शाहरूख निसार खान याला गुजरात मधून ताब्यात घेतलं.

त्यानंतर पोलिसांनी मलकापूर रेल्वे स्टेशन जवळ आरोपी फिरोज अहमद फारूख अहमद शेख आणि मोहम्मद समशेर शाह सलीमला अटक केली. त्यांच्याकडून पोलिसांनी ७,८१,३२८ रुपये किमतीचे सोन्याचे दागिने,४ मोबाईल,रोख रक्कम हस्तगत केली.

Edited By - Naresh shende