सचिन कदम
रायगड : दक्षिण रायगडमधील ठाकरे गटाच्या प्रमुख कार्यकर्त्यांना फौजदारी संहितेच्या नोटीसा बजावण्यात आल्या आहेत. (Mahad) महाड, माणगाव आणि पोलादपूरमधील २९ कार्यकर्त्यांना विशेष कार्यकारी दंडाधिकारी यांनी या नोटीस बजावुन हजर राहण्याचे आदेश दिले आहेत. (Breaking Marathi News)
राज्य शासनाचा शासन आपल्या दारी हा कार्यक्रम (Raigad) रायगडमध्ये ५ जानेवारीला नियोजित आहे. या उपक्रमासाठी मुख्यमंत्री, उपमुख्यमंत्र्यांसह इतर मंत्री रायगडमध्ये येत आहेत. या कार्यक्रमाला विरोध करणार असल्याचा आक्रमक पवित्रा ठाकरे गटाच्या (Shiv Sena) कार्यकर्त्यांनी घेतला असल्याने हि दडपशाही असल्याचे ठाकरे गटाच्या कार्यकर्त्यांचे म्हणणे आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
म्हणूनच नोटीस
सदर नोटीसमध्ये कायदा आणि सुव्यवस्था, समाज विघातक कृत्य घडू शकतो; अशी शंका व्यक्त करण्यात आली आहे. प्रत्यक्ष उल्लेख करण्यात आला नसला तरी ५ जानेवारीला आयोजित शासन आपल्या दारी या उपक्रमादरम्यान कोणताही अनुचित प्रकार घडू नये यासाठी या नोटीस बजावल्याचे बोलले जात आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.