परळी नगर पालिकेवर उर्दू भाषेतून फलक लावा; MIM चे बेमुदत उपोषण सुरू

बीडच्या परळी नगर पालिकेच्या (Beed-Parali) नावाच्या फलकावर उर्दू भाषेतही उल्लेख करावा. ही मागणी घेऊन बीडच्या परळीत एमआयएम आक्रमक झाली आहे. शहरातील नगर पालिकेसमोर, एमआयएमच्या वतीने शेख शफिक शेख रोशन यांच्या नेतृत्वाखाली, बेमुदत उपोषण सुरू केले आहे.

यावेळी आंदोलनकर्ते म्हणाले, की जुन्या नगर परिषदेच्या इमारतीवर, उर्दू भाषेतून नावाचा फलक होता. मात्र नवीन इमारत बांधकाम करण्यापूर्वी तो फलक काढण्यात आला होता. पण नगर पालिकेची, नवीन इमारत होऊन अनेक वर्षे झाली असून आता वापर सुरू आहे. त्यावर अद्याप उर्दू भाषेतील बोर्ड लावण्यात आला नाही.

वारंवार या बाबद मागणी करून देखील येथे बोर्ड लावण्यास टाळाटाळ करत असल्यामुळे कंटाळून आज रोजी बेमुदत उपोषण सुरू केलंय. जोपर्यंत परळी नगर परिषदेवर उर्दू भाषेच्या नावाचा बोर्ड लावला जात नाही, तोपर्यंत हे आमरण उपोषण असेच चालू ठेवणार असल्याचं, उपोषणकर्ते शेख शाफिक शेख रोशन यांनी दिला आहे. दरम्यान अशीचं मागणी बीड नगर पालिकेच्या नावावरून केली जात होती. त्यानंतर या नावाच्या मागणीवरून वाद देखील निर्माण झाला होता. त्यामुळं परळीत देखील हा नावाचा नवा वाद होतो की काय ? असं वाटू लागलंय.

Edited By: Pravin Dhamale