Pune Shaniwarwada: शनिवारवाड्यासमोर नमाज पठण, 'मजार हटवा,भगवा झेंडा फडकवू द्या'

पुण्याच्या प्रसिद्ध शनिवारवाड्यासमोरील उद्यानात काहींनी नमाज पठण केल्याचा व्हिडिओ समाजमाध्यमावर व्हायरल झाला.. त्यानंतर सकल हिंदू समाज आणि पतित पावन संघटनेकडून या घटनेचा निषेध करत.. शनिवारवाडा परिसरात घोषणाबाजी करण्यात आली....आंदोलकांनी गोमुत्र शिंपडून परिसराचं शुद्धीकरण केलं... तर इथून पुढे असे प्रकार खपवून घेणार नाही, असा इशारा खासदार मेधा कुलकर्णी यांनी दिला...

मात्र हे आंदोलन इथेच थांबले नाही.. तर आंदोलकांनी शनिवारवाडा परिसरात असणाऱ्या मजारलाही विरोध केला. या परिसरात भगवा झेंडा फडकवू द्या, अशी मागणी आंदोलकांनी केली. तसचं खासदार मेधा कुलकर्णींनी मजार हटवण्यासाठी प्रशासनाला 8 दिवसांचा अल्टिमेटमही दिला..

ही जागा ही पुरातत्व विभागाच्या अखत्यारित असल्यामुळे पोलिसांनी आंदोलकांना भगवा झेंडा फडकवण्यास विरोध केला. त्यामुळे तणाव वाढत गेला... अखेर आक्रमक आंदोलकांनी अनाधिकृत पीरजवळ भगवा झेंडा लावून आंदोलन संपवले...मात्र या घटनेनं

शनिवारवाड्यात नमाज पठण कोणी केलं? ती मजार खरचं अनाधिकृत आहे का? नमाजचा व्हिडिओ समाजमाध्यमात कोणी आणि कोणत्या उद्देशानं व्हायरल केला? असे अनेक सवाल उपस्थित होतायत...