Pune News : पाकिस्तानी गुप्तचर संस्थेला ओटीपी शेयर घोटाळा; पुण्यातील तरुणाला अटक

अक्षय बडवे

पुणे : पाकिस्तानी गुप्तचर संस्थेच्या हस्तकांना ओटीपी शेयर केल्याच्या घोटाळ्यात कथित सहभागाबद्दल पुण्यातील (Pune) तरुणाला अटक केली आहे. अभिजीत संजय जांबुरे असे या संशयित तरुणाचे नाव असून ओडिशा पोलिसांच्या (Police) स्पेशल टास्क फोर्सने पुण्यातून या तरुणाला अटक केली आहे. (Live Marathi News)

मिळालेल्या माहितीनुसार अभिजित जांबुरे हा मूळचा सातारा जिल्ह्याचा आहे. पुण्यातील एका नामांकित आयटी कंपनीत तो कार्यरत होता. त्याला पुण्याच्या स्थानिक न्यायालयात हजर करून भुवनेश्वरला नेण्यात आले आहे. घोटाळ्यातील आरोपी एखाद्या व्यक्तीच्या नावावर ॲक्टिव्हेट न झालेले सिमकार्ड घेत असतो. त्याद्वारे ओटीपी तयार करून डिजिटल वॉलेटला एक हजार ते ३० हजार रुपयांना विकतो. अशा प्रकारे सायबर गुन्हेगारांना हजारो ओटीपी शेअर केल्याची माहिती तपासात समोर आली आहे.

पाकिस्‍तान व नायजेरीयन नागरीकांच्‍या संपर्कात

दोन पाकिस्तानी आर्मी इंटेलिजन्स अधिकाऱ्यांच्या संपर्कात होता. तसेच त्याने प्री-ॲक्टिव्हेटेड सिमकार्डद्वारे तयार केलेले ओटीपी सायबर गुन्हेगारांना विकले गेले होते. तसेच, पाकिस्तानमधील गुप्तचर अधिकाऱ्यांना फेसबुकद्वारे ओटीपी शेअर केला. तसेच तो व्हॉट्सॲपद्वारे पाकिस्तानी आणि नायजेरियन नागरिकांच्या संपर्कात असल्याचे ‘एसटीएफ’ने पत्रकात म्हटले आहे.