Video: धावत्या दुचाकीवरच पोलिसाला हार्ट अटॅक आला, खाली कोसळला; गर्दीतल्या देवदूताने असे वाचवले प्राण

>> अजय सोनवणे, साम टीव्ही

Policeman suffered heart attack while riding bike : देव तारी त्याला कोण मारी याचा प्रत्यय मनमाड शहरातील नागरिकांना आला. नागेश दांडे नावाचे रेल्वे पोलीस कर्मचारी दुचाकीवरून ड्युटीवर जात असताना शहरातील मुख्य बाजार पेठेत अचानक त्यांच्या छातीत वेदना सुरू झाल्या. काही कळायच्या आत ते दुचाकीवरून खाली पडले.

अचानक घडलेल्या या घटनेमुळे लोकांनी तेथे मोठया प्रमाणात गर्दी केली. ही गर्दी पासून भागवत झाल्टे नावाचा तरुण तिथे आला. त्याने थांबून चौकशी केली तेव्हा पोलीस कर्मचारी गाडीवरून अचानक पडल्याचं त्याला समजलं. भागवतने त्या कर्मचाऱ्याची परिस्थीती पाहिली आणि त्याला हार्ट अटॅक आल्याचे त्याच्या लक्षात आले.

यानंतर क्षणाचाही विलंब न करता भागवतने दोन्ही हाताने त्याच्या छतीवर पंपींग करण्यास सुरुवात केली. दोन तीन वेळा त्याने दोन्ही हातांनी छातीवर दाब दिला. त्यानंतर त्याने तोंडाच्या साह्याने कर्मचाऱ्याला श्वास दिला. भागवत तात्काळ केलेल्या प्रथोमोपचारामुले पोलीस कर्मचारी नागेश शुद्धीवर आले. (Latest Political News)

यानंतर तेथील लोकांनी त्यांना तातडीने हॉस्पिटलमध्ये दाखल केले. डॉक्टरांनी तपासणी केली असता नागेशला हृदय विकाराचा जोरदार धक्का बसला होता मात्र झाल्टे ने दाखविलेल्या समय सूचकतेमुळे त्याचे प्राण वाचले एका प्रकारे नागेशसाठी भागवत झाल्टे हा देवदूत ठरला. (Latest Marathi News)