मलिकांविरोधातील आंदोलनात पोलीस, भाजप नेत्यांमध्ये चकमक; आंदोलनकर्ते अटकेत

अमरावती : राष्ट्रवादी काँग्रेसचे नेते व अल्पसंख्याक मंत्री नवाब मलिक (Nawab Malik) यांना काल ED ने अटक केल्यानंतर आज भाजप राज्यभर आंदोलन करत आहेत. अमरावतीच्या राजकमल चौकात भाजपनेते व माजी कृषी मंत्री अनिल बोंडे (Anil Bonde) यांच्या नेतृत्वाखाली नवाब मलिक विरोधात आंदोलन करत त्यांच्या राजीनामाची मागणी करण्यात आली तर मुख्यमंत्री उद्धव ठाकरे यांनी तात्काळ नवाब मलिक यांची हकालपट्टी करावी ही मागणी केली आहे.

दरम्यान, 'यावेळी भाजपने महाविकास आघाडी सरकारच्या विरोधात जोरदार घोषणाबाजी केल्या यावेळी पोलिसानी आंदोलनकर्त्यांना अटक करण्याचा प्रयत्न केला असता भाजप नेते अनिल बोंडे व पोलीस निरीक्षक नीलिमा आरज यांच्यात शाब्दिक वादविवाद झाला यावेळी आम्हाला अटक का करता? असा संतप्त सवाल अनिल बोंडे यांनी यावेळी विचारला दरम्यान पोलीस व आंदोलन कर्त्या पोलिसांन मध्ये चकमक झाल्या नंतर पोलिसांनी आंदोलनकर्त्याना अटक केली आहे.

Edited By - Jagdish Patil