PM Kisan 14th Installment Latest Updates: PM किसान सन्मान निधी योजनेचा लाभ घेत असलेल्या शेतकऱ्यांसाठी आनंदाची बातमी आहे. किसान सन्मान योजनेचा १४ वा हप्ता लवकरच शेतकऱ्यांच्या खात्यावर जमा होणार आहे. पंतप्रधान नरेंद्र मोदी यांनी २७ फेब्रुवारी रोजी PM किसानचा १३ वा हप्ता जारी केला होता. याचा लाभ देशभरातील जवळपास ८ कोटी शेतकऱ्यांना मिळाला होता. आता १४ वा हप्ता देखील लवकरच शेतकऱ्यांच्या खात्यावर जमा होणार आहे. (Breaking Marathi News)
PM किसान सन्मान योजनेचा १४ वा हप्ता येत्या जून महिन्यात पात्र शेतकऱ्यांच्या थेट खात्यावर जमा केला जाणार आहे. मात्र या योजनेचा लाभ मिळण्यासाठी पात्र शेतकऱ्यांचे बँक खाते हे आधार क्रमांकाशी जोडणे अनिवार्य आहे. बँक खात्याला आधार क्रमांक जोडलेला नसल्यास, हे पैसे जमा होणार नसल्याचे राज्याचे कृषी आयुक्त सुनील चव्हाण यांनी सांगितलं आहे.
ज्या शेतकऱ्यांनी आपला आधार क्रमांक बँक खात्याला जोडलेला आहे, त्याच शेतकऱ्यांना पीएम किसानच्या १४ व्या हप्त्याचा लाभ मिळणार आहे. त्यामुळे शेतकऱ्यांनी त्वरित आपापले बँक खात्याला आधार क्रमांक जोडून घ्यावा. आधार क्रमांक बॅँक खात्याशी जोडण्यासाठी आता आपापल्या गावातील टपाल कार्यालयात सोय उपलब्ध करून देण्यात आलेली आहे, असंही चव्हाण यांनी सांगितलं आहे.
पंतप्रधान किसान सन्मान निधी (पीएम किसान) योजनेअंतर्गत पात्र शेतकरी (Farmers) कुटुंबास दर चार महिन्यांतून एकदा प्रत्येकी २ हजार रुपये हप्त्याप्रमाणे वर्षाला ६ हजार रुपयांचे अनुदान देण्यात येते. केंद्र सरकारने साडेचार वर्षांपूर्वी ही योजना सुरु केली आहे. त्यानुसार आतापर्यंत १३ हप्त्याचे वितरण करण्यात आले आहे.
- आपापल्या गावात टपाल विभागाच्या इंडिया पोस्ट पेमेंट बँकेत (आयपीपीबी) खाते उघडावे
- यासाठी आधार कार्ड आणि स्वतःचा मोबाईल क्रमांक टपाल कार्यालयात जावे
- टपाल कार्यालयातील कर्मचारी हे आपले बँक खाते आपल्या आधार क्रमांकाशी जोडतील
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
