Pimpri Chinchwad News: रुग्णालयातच जादूटोणासारखे मंत्रोपचार करून उपचार; व्हिडीओ झाला व्हायरल

पिंपरी चिंचवड : पिंपरी चिंचवड महापालिकेच्या वायसीएम रुग्णालयामध्ये एका रुग्णावर एक व्यक्ती मंत्रोपचार (Pimpri Chinchwad) करून उपचार करत आहे. हा धक्कादायक प्रकारचा व्हिडिओ सध्या सोशल मीडियावर (Hospital) झपाट्याने वायरल होत आहे. (Tajya Batmya)

ज्या हॉस्पिटलमध्ये चिकित्सकांनी वैद्यकीय उपचार करून रुग्णांची प्रकृती बरी करायला हवी; त्याच हॉस्पिटलमध्ये काही तथाकथित मांत्रिक रुग्णांवर मंत्रोपचार करून उपचार करत असल्याचा धक्कादायक प्रकार या व्हिडिओमध्ये दिसत आहे. राज्यात जादुटोना विरोधी कायदा अस्तित्वात असताना देखील काही तथाकथित मांत्रिक थेट शासकीय रुग्णालयामध्ये जाऊन रुग्णांवर मंत्रो उपचार करून रुग्णांना बरे करत असल्याचा दावा करत आहेत. 

सदर प्रकारचा व्हिडीओ सोशल मीडियावर मोठ्या प्रमाणात व्हायरल झाला आहे. यामुळे आता अशा मांत्रिकावर पिंपरी चिंचवड महापालिकेच आरोग्य विभाग आणि पिंपरी चिंचवड पोलीस काय कारवाई करतात हे पाहणं महत्त्वाचं असणार आहे.