पिंपरी चिंचवड : कस्टम डिपार्टमेंटमधून बोलतोय, तुमच्या नावाने कुरिअर आले असून त्यात अंमली पदार्थ, क्रेडिट कार्ड, पासपोर्ट आणि इतर बेकायदेशीर वस्तू आहेत. असं सांगून नागरिकांना घाबरवले जात होते. यानंतर त्यांच्याकडून लाखो रुपये लुबाडले जात होते. याबाबत प्राप्त तक्रारीवरून पिंपरी-चिंचवड शहर पोलिसांनी टोळीला बेड्या ठोकल्या आहेत.
हिंजवडी पोलीस स्टेशन हद्दीत राहणाऱ्या एका महिलेला फोन करून तिला आम्ही कुरियर कंपनी आणि कस्टम डिपार्टमेंटमधून बोलत असल्याचे सांगत तुमच्या नावाने एक कुरियर आले आहे. त्यात अंमली पदार्थ, क्रेडिट कार्ड आणि पासपोर्ट असल्याचे सांगत महिलेला जवळपास २५ लाख रुपयांचा गंडा घातला. या संदर्भात तक्रारदार महिलेने हिंजवडी पोलीस (Police) स्टेशनमध्ये अज्ञात आरोपी विरोधात गुन्हा दाखल केला होता. या गुन्ह्याचा तपास करत असताना पिंपरी चिंचवड शहर पोलिसांच्या सायबर सेलने (Fraud) तसेच हिंजवडी पोलिसांनी या चारही आरोपीचा तांत्रिक तपास करून बेड्या ठोकल्या आहेत.
बँक खात्यातून दोन कोटींचे व्यवहार
पिंपरी चिंचवड पोलिसांनी (Pimpri chinchwad Police) ताब्यात घेतलेल्या टोळीतील दोन संशयित आरोपी हे महाराष्ट्रातील तर दोन जण गुजरात राज्यातील आहेत. स्वरूप अशोक खाबेकर आणि पुष्कर चंद्रकांत पाखले अशी महाराष्ट्रातील आहेत. तर मोनिक भरतभाई रंगोलीया आणि कौशिक मनसुखभाई बोरड अशी गुजरात राज्यातील आहेत. या चारही जणांनी मिळून आतापर्यंत जवळपास ६८ जणांची फसवणूक केली असून या संशयित आरोपींनी आपल्या बँक खात्यामध्ये दोन कोटी रुपयांपेक्षा जास्त फसवणुकीचे व्यवहार केले आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
