गोपाळ मोटघरे
पिंपरी चिंचवड शहरातून एक धक्कादायक घटना उघडकीस आली आहे. शहरातील जय हिंद हायस्कूलमध्ये शाळा प्रशासनाने थेट मुला-मुलींच्या वॉशरुममध्ये सीसीटीव्ही कॅमेरे बसवले आहेत. या घटनेमुळे विद्यार्थ्यांसह पालकांमध्ये एकच खळबळ उडाली आहे.
मिळालेल्या आधिक माहितीनुसार, विद्यार्थ्यांच्या सिक्युरिटीचे कारण देत आम्ही स्कूलच्या वॉशरूममध्ये सीसीटीव्ही कॅमेरे बसवले असा दावा शाळा प्रशासनाने केला आहे. मात्र सेक्युरिटीचे कारण पुढे करत असताना मुलांच्या वॉशरुममधील प्रायव्हसीचा विसर जय हिंद स्कूल प्रशासनाला पडला आहे का? असा प्रश्न पालकांकडून उपस्थित केला जातोय.
जय हिंद स्कूलमधील मुला-मुलींच्या वॉशरुममध्ये सीसीटीव्ही लावल्यानंतर याचा एक फुटेज सोशल मीडियावर वायरल झालाय. त्यानंतर पिंपरी चिंचवड महापालिकेचे शिक्षण विभाग देखील खडबडून जागे झाले आहे.
शिक्षण अधिकाऱ्यांनी जय हिंद हायस्कूलमध्ये जाऊन गर्ल्स अँड बॉईज स्टुडन्ट टॉयलेटचे सीसीटीव्ही कॅमेरे लगेच काढले आहेत. तसेच या प्रकरणात स्कूल प्रशासनाला नोटीस देऊन या सर्व घटनेची चौकशी करणार असल्याची माहिती शिक्षणाधिकाऱ्यांनी दिली आहे.
शाळेत घडलेल्या या प्रकारामुळे पालकांनी शाळेविरोधात संताप व्यक्त केलाय. शाळेने असे करणे चूक आहे. विद्यार्थ्यांचे वॉशरुममधील व्हिडीओ व्हायरल झाल्याने त्यांच्या मनावर याचा परिणाम झाला आहे. विद्यार्थ्यांना शळेत जाण्यासाठी मनात काहीशी भीती वाटत आहे. त्यामुळे सदर प्रकरणी योग्या ती कारवाई व्हावी अशी मागणी पालकांनी केलीये.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.