पत्नीने शेंगा तोडण्यास सांगितल्याने पतीची बाभळगावात आत्महत्या

परभणी : परभणी जिल्ह्यातील पाथरीच्या बाभळगाव येथील चंद्रकांत गिरीने रागाच्या भरात आत्महत्या केल्याची घटना घडली आहे. गिरी यांच्या पत्नीने शेतामधील शेंगा तोडा असे म्हटल्याने त्यांना राग आला. त्यातून त्यांनी विष प्राशन करून आत्महत्या केल्याची प्राथमिक माहिती उपलब्ध हाेत आहे.

चंद्रकांत गिरी आणि त्यांची पत्नी शेतात उडीदच्या शेंगा तोडण्यास गेले होते. त्यावेळी गिरी यांच्या पत्नीने पतीला शेंगा तोडा असे सांगितले. त्यामुळे गिरी यांना राग आला. त्यातूनच त्यांनी आपल्या घरात फवारणीचे औषध घेतले.

विषारी औषध घेतल्याने त्यांना त्रास हाेऊ लागला. चंद्रकांत गिरी यांनी उपचारासाठी रुग्णालयात दाखल करण्यात आले. दरम्यान त्यांचा उपचाराच्या कालावधीत मृत्यू झाला. या घटनेची नाेंद पाथरी पोलिसात आकस्मित मृत्यूची अशी झाली आहे.

edited by : siddharth latkar