Ashadhi Yatra : चंद्रभागेच्या तीरावर चार लाख भाविकांची होणार सोय; ६५ एकरचा परिसर केला विकसित

पंढरपूर : आषाढी यात्रेनिमित्ताने पंढरपुरात होणाऱ्या गर्दीचे विकेंद्रीकरण करण्यासाठी प्रशासनाने चंद्रभागा नदीच्या पैलतीरावर ६५ एकर परिसर विकसित केला आहे. या परिसरामध्ये जवळपास चार लाख भाविकांची राहण्याची सोय केली आहे. येथे पंढरपुरात येणाऱ्या दिंड्यामधील वारकऱ्यांना देखील राहण्याची सुविधा करण्यात आली आहे. यामुळे वाळवंट व पंढरपूर परिसरातील होणारी गर्दी कमी होण्यास मदत होणार आहे.

आषाढी यात्रेच्या (Ashadhi Wari) निमित्ताने पंढरपुरात दरवर्षी १५ ते १६ लाख भाविक दाखल होत असतात. येथे येणाऱ्या भाविकांना प्रशासनाच्या वतीने सर्व सुविधा उपलब्ध करून दिल्या जातात. पंढरपूर शहरातील व वाळवंटातील गर्दी कमी करण्यासाठी प्रशासनाने मागील तीन- चार वर्षांपासून (Chandrabhaga River) चंद्रभागा नदीच्या पैलतीरावर असलेल्या ६५ एकर परिसरामध्ये वीज, पाणी, दिवाबत्ती, आरोग्य यासह इतर सोयी सुविधा उपलब्ध करून दिल्या आहेत. येथे जवळपास ८०० हून अधिक दिंड्या व पालख्यांना राहण्याची सोय केली आहे.  

४ लाख भाविकांची सोय 

आषाढी एकादशी (Pandharpur) आता पंधरा दिवसांवर आहे. भाविकांची आतापासून गर्दी होऊ लागली आहे. या दृष्टीने प्रशासन व मंदिर समितीकडून तयारी पूर्णत्वास नेण्यात येत आहे. आलेल्या भाविकांना राहण्याची सुविधा देखील करण्यात आली आहे. चंद्रभागा तीरावर करण्यात आलेल्या सुविधेत जवळपास चार लाखाहून अधिक भाविक येते राहू शकतील अशी व्यवस्था केली आहे.