Palghar Crime News : मागील काही दिवसांपासून राज्यात गुन्हेगारीच्या घटनांमध्ये मोठी वाढ झाली आहे. किरकोळ कारणामुळे गंभीर गुन्हे घडत आहे. यामध्ये पती-पत्नी भांडण, जमिनीचे वाद यासारख्या घटना सर्वाधिक आहे. पालघर जिल्ह्यातून अशीच एक धक्कादायक घटना समोर आली आहे. येथे एका पतीने आपल्या पत्नीची गळा चिरून हत्या केली. (Latest Marathi News)
पती इतक्यावरच थांबला नाही, तर त्याने स्वत:वर सुद्धा वार करून घेतले. या घटनेत पत्नीचा जागीच मृत्यू तर पती गंभीर जखमी झाला आहे. त्याच्यावर बोईसर येथील टिमा हॉस्पिटलमध्ये उपचार सुरू आहे. धक्कादायक (Crime News) बाब म्हणजे आरोपी पतीने आपल्या दोन चिमुकल्यांच्या डोळ्यासमोरच हे कृत्य केलं आहे. या घटनेमुळे परिसरात मोठी खळबळ उडाली आहे.
ममता देवी प्रसाद (वय ४० वर्ष) असं मृत्युमुखी पडलेल्या पत्नीचे नाव असून सीताराम प्रसाद (वय ४५) असे जखमी झालेल्या पतीचे नाव आहे. अंगावर काटा आणणारा हा धक्कादायक प्रकार बोईसरच्या दांडी पाडा येथे घडला आहे.
घटनेची माहिती मिळताच पोलिसांनी (Police) तातडीने घटनास्थळी धाव घेतली असून मृत महिलेचा मिळालेल्या माहितीनुसार, आरोपी पती सीताराम याचा पत्नी ममता देवी हिच्या चारित्र्यावर संशय होता. त्यामुळे दोघांमध्ये सतत वाद सुरू होते.
दरम्यान, मंगळवारी सीताराम आणि ममता यांच्यात पुन्हा वाद झाला. हा वाद इतका विकोपाला गेले की सीताराम याने पत्नी ममता हिची धारधार शस्त्राने गळा चिरून हत्या केली. पत्नीच्या हत्येनंतर त्याने स्वत: वर सुद्धा वार केले. या घटनेत ममता हिचा जागीच मृत्यू झाला असून सीताराम गंभीर जखमी झाला आहे. या घटनेमुळे बोईसर मध्ये एकच खळबळ उडाली आहे.
Edited By - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
