Pankaja Munde: मी बाई माणूस असून घाबरत नाही, कॉमेंट काही नागाचा दंश आहे का ? पंकजा मुंडे

मराठा आरक्षणासाठी मनाेज जरांगे पाटील यांचे त्याग, बलिदान, कष्ट आहेत. त्या विषयी आदर आहे. ते आरक्षणाचे हिरो आहेत. त्यांच्या कार्यक्रमाला, आंदोलनाला जा पोस्ट करा. मी बाई माणूस असून घाबरत नाही. कॉमेंट काही नागाचा दंश आहे का ? असा सवाल महायुतीचे उमेदवार पंकजा मुंडे यांनी जरांगे पाटील यांचे काैतुक करीत समर्थकांनी साेशल मिडीयापासून काही दिवस दूर राहा असा सल्लाही दिला. (Maharashtra News)

बीड लाेकसभा मतदारसंघातील नेकनूर येथे आयाेजिलेल्या जाहीर सभेत महायुतीच्या उमेदवार पकंजा मुंडे बोलत होत्या. मुंडे म्हणाल्या पुढचे उमेदवार यांच्या विरोधात बोलले तर तुम्हांला का मिरची लागते ? ते उमेदवार एका राजकीय पक्षाचे आहेत. त्यांचे सरकार होते. त्यांनी आरक्षण दिले नाही, पहिल्यांदा भाजपने मराठा आरक्षण दिले असेही मुंडेंनी नमूद केले.

मी बाई माणूस असून घाबरत नाही, किती धिंगाणा घातला तरी घुसून भाषण करते, तुम्ही पुरुष असुन का घाबरता. पोस्ट आणि कमेंटला. कॉमेंट काही नागाचा दंश आहे का ? 14 पर्यंत सोशल मीडिया बंद ठेवा असे आवाहन देखील पंकजा मुंडे यांनी उपस्थितांना केले.

Edited By : Siddharth Latkar