धक्कादायक! माजलगाव बसस्थानक शेजारील कचऱ्याच्या ढिगाऱ्यावर आढळले नवजात अर्भक

बीड : बीडच्या माजलगाव बसस्थानकाच्या आवारातील शौचालयालगत, एक मयत अर्भक आढळून आल्याने मोठ्या प्रमाणात खळबळ उडाली आहे. तर या धक्कादायक घटनेची माहिती समजताच, घटनास्थळी माजलगाव शहर पोलिसांनी धाव घेतली आहे.

हे देखील पहा-

माजलगाव शहरातील बस्थानाकाच्या परिसरामध्ये, कचऱ्याच्या ढिगाऱ्यावर काही वेळापूर्वी हे मयत अर्भक आढळून आले आहे. यावेळी अर्भकावर माश्यांचा थर बघायला मिळाला आहे. तर हे अर्भक 5 ते 6 महिन्याचे असून स्त्री जातीचे असल्याचा प्राथमिक अंदाज माजलगाव पोलिसांनी सांगितले आहे.

दरम्यान अर्भक ताब्यात घेत माजलगाव ग्रामीण रुग्णालयात पाठवण्यात आले आहे. तर हे अर्भक कुणाचे आहे? कुणी फेकले? याबाबत तपास माजलगाव शहर पोलीस करत असून शवविच्छेदन अहवाल आल्यानंतर या तपासला वेग येईल असे देखील पोलीस म्हणाले आहेत. तर या घटनेने माजलगावसह जिल्ह्यात मोठ्या प्रमाणात खळबळ उडाली आहे.

Edited By- Digambar jadhav