माधुरीनंतर वनताराचा सांगलीतील गौरी हत्तीणीवर डोळा; २-३ कोटींची ऑफर, गावकऱ्यांचा विरोध पण..

कोल्हापुरातील माधुरी हत्तीणीच्या वादग्रस्त प्रकरणानंतर सांगलीतील तासगाव गणपती संस्थानच्या गौरी हत्तीणीच्या संदर्भातही नवा वाद उफाळण्याची शक्यता निर्माण झाली आहे. वनतारासाठी या हत्तीणीला तब्बल दोन ते तीन कोटी रुपयांची ऑफर देण्यात आली होती, अशी धक्कादायक माहिती संस्थेचे विश्वस्त राजेंद्र पटवर्धन यांनी दिली आहे. दरम्यान, हत्तीणीच्या संरक्षणासाठी येत्या संकष्टीपासून मोहिम राबिवण्यात येणार असल्याची माहिती समोर आली आहे.

वनतारासाठी सांगलीच्या तासगाव गणपती संस्थानच्या गौरी हत्तीणीला दोन ते तीन कोटींची ऑफर देण्यात आली होती. अशी माहिती संस्थांच्या विश्वस्तांकडून मिळाली आहे. एका पशुवैद्यकीय अधिकाऱ्याकडून गौरी हत्तीणीला अनफिट असल्याचं सर्टिफिकेट देण्यात आले होते.

दरम्यान, वनतारा संस्थेच्या माध्यमातून २ ते ३ कोटी रूपये मिळतील, अशी ऑफरही देण्यात आली होती. असा दावा गणपती पंचायतन संस्थानचे विश्वस्त राजेंद्र पटवर्धन यांनी केला आहे. तसेच हत्तीबाबत किडनॅपिंगची प्रक्रिया सुरू असल्याचा गंभीर आरोप देखील पटवर्धन यांनी केला आहे. त्यांनी केलेल्या दाव्यामुळे खळबळ उडाली आहे.

नांदणी मठाच्या माधुरी हत्तीणीच्या पार्श्वभूमीवर तासगावकरांच्या गजलक्ष्मी उर्फ गौरी हत्तीच्या संरक्षणासाठी येत्या संकष्टीपासून सह्यांची मोहीम राबविण्यात येणार आहे. अशी माहिती राजेंद्र पटवर्धन यांच्याकडून स्पष्ट करण्यात आले आहे. तासगाव गणपती पंचायत संस्थानकडून गेल्या ४० वर्षांपासून गौरी हत्तीणीचा संभाळ केला जात आहे.

या पुढील काळातही गौरी हत्तीणीचा सांभाळ योग्य पद्धतीनं केला जाईल, असा विश्वास राजेंद्र पटवर्धन यांनी व्यक्त केला आहे. मात्र वनताराबद्दल केलेल्या पटवर्धनांच्या दाव्यामुळे खळबळ उडाली आहे.