- भूषण अहिरे
धुळे शहरातील जुना आग्रा रोड परिसरामध्ये गेल्या चार वर्षांपासून भूमिगत गटारीचे काम संथ गतीने सुरू असल्याने आज (शनिवार) राष्ट्रवादी काँग्रेस शरद पवार गटाने धुळ्यात आंदाेलन छेडले. या आंदाेलना प्रसंगी कार्यकर्ते व पदाधिकारी आक्रमक झाल्याचे पाहावयास मिळाले. यावेळी काही जणांनी जेसीबीवर चढून संथ गतीच्या कामाचा निषेध नाेंदविला.
भाजपा सत्ताधाऱ्यांतर्फे या कामामध्ये मोठ्या प्रमाणात भ्रष्टाचार केला असल्याचा आरोप देखील राष्ट्रवादी शरद पवार गटाने केला आहे. त्याचबरोबर पालिका प्रशासनाने याची दखल घेत हे काम लवकरात लवकर पूर्ण करावे अशी मागणी केली.
यावेळी या आंदोलनामध्ये मोठ्या संख्येने राष्ट्रवादी शरद पवार गटाचे पदाधिकारी व कार्यकर्ते सहभागी झाले हाेते. यावेळी आंदाेलकांनी घोषणाबाजी करीत परिसर दणाणून साेडला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
