अमरावती : हनुमान जयंतीच्या (hanuman jayanti) पार्श्वभुमीवर राणा दाम्पत्याने हनुमान चालीसाचे (hanuman chalisa) सामुदायिक पठणाचा कार्यक्रम उद्या अमरावती (amravati) येथे आयाेजित केला आहे. दरम्यान सर्व मंदिरात हनुमान चालीसाचे पठण व्हावे यासाठी मोफत भोंग्याचे (bhonga) वाटप करणार असल्याची माहिती आमदार रवी राणा (ravi rana) आणि खासदार नवनीत राणा (navneet rana) यांनी दिली. (amravati latest marathi news)
दोन दोन दिवसांपूर्वी खासदार नवनीत राणा यांनी एका मंदिरात हनुमान चालीसाचे पठण केले हाेते. उद्या हनुमान जयंती निमित्त राणा दाम्पत्याने सामूहिक हनुमान चालीसा पठणाचा कार्यक्रम आयाेजित केला आहे. हा उपक्रम गेली अनेक वर्ष करीत असल्याचे आमदार राणा यांनी नमूद करीत भाविकांनी यामध्ये सहभागी व्हावे असे आवाहन केले.
दरम्यान सध्या भोंगा व हनुमान चालीसा पठणावर मोठा वाद सुरु आहे. त्यातच खासदार नवनीत राणा व आमदार रवी राणा यांनी हनुमान चालीस पठण आणि भाेंग्याचे सार्वजनिक वाटप असा उपक्रम घेतल्याने सर्वत्र चर्चेचा विषय बनला आहे. मनसे (mns) अध्यक्ष राज ठाकरे (raj thackeray) यांच्या आवाहनानंतर हनुमान चालीसा चर्चेत आल्याने राज्यातील राजकीय वातावरण देखील तापले आहे.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.