Navi Mumbai News : अतिरिक्त फी न भरल्याने दीड हजार विद्यार्थ्यांचे निकाल थांबवले; संतप्त पालकांनी गाठले पोलीस ठाणे

सिद्धेश म्हात्रे 
नवी मुंबई : शालेय परीक्षांचे निकाल जाहीर करत विद्यार्थ्यांना निकालांचे वाटप करण्यात आले. मात्र शाळा प्रशासनाकडून (Navi Mumbai) आकारण्यात आलेली अतिरिक्त फी भरली नसल्याने विद्यार्थ्यांचे निकाल रोखून धरण्यात आले आहेत. असे साधारण दीड हजार (Student) विद्यार्थ्यांचे निकाल शाळेने रोखून धरल्याचे प्रकार उरण येथे समोर आला आहे.   

नवी मुंबईच्या उरणमधील यूईएस इंग्रजी माध्यमाच्या (School) शाळा व्यवस्थापनाने अतिरिक्त फी न भरणाऱ्या विद्यार्थ्यांचा निकाल देण्यास नकार दिल्याचा प्रकार समोर आला. यात ओळखपत्राचे ५५० रुपये, डायरीचे १०० आणि ई- लर्निंगचे १२०० रुपये अशी अतिरिक्त फी शाळा व्यवस्थापनाकडून वसूल करण्यात येते. मात्र ही अतिरिक्त फी (School Fees) भरण्यास शाळेतील निम्म्याहून अधिक विद्यार्थ्यांच्या पालकांचा विरोध होता. यामुळे पालकांनी फी भरली नाही.  

पालकांची पोलिसात धाव 

दरम्यान शाळेचा अंतिम परीक्षेचा निकाल वाटपावेळी शाळा व्यवस्थापनाने फी साठी अडवणूक करत निकाल दिला नाही. निकाल न दिल्या प्रकरणी पालकांनी शाळा व्यवस्थापनाविरोधात गुन्हा नोंद करण्यासाठी पोलिस ठाण्यात धाव घेतली. यानंतर पोलीसांनी मध्यस्थी करत शाळा प्रशासनाला गुन्हा दाखल करण्याची तंबी दिली. यावेळी शाळा प्रशासनाने नमती भूमिका घेत कोणतीही अतिरिक्त फी न भरता निकाल देण्याचे मान्य केले.