![Nashik News](http://media.assettype.com/saamtv%2F2024-05%2Feb2869e6-1d51-4e13-8b9c-812a24385429%2FSaam_TV___2024_05_28T150437_034.jpg?rect=0%2C0%2C1200%2C675&w=480&auto=format%2Ccompress&fit=max)
अजय सोनवणे
मनमाड (नाशिक) : सुट्या असल्याने सायंकाळ झाली कि, जवळच्या उद्यानात खेळण्यासाठी मुलं जातात. दरम्यान उद्यानात खेळण्यासाठी जात असताना वाहनाने चिमुकल्याला उडविले. जखमी मुलाला उपचारासाठी रुग्णालयात दाखल करण्यात आले असता आज उपचारादरम्यान त्याचा मृत्यू झाल्याची घटना घडली.
नाशिकच्या (Nashik) येवला शहरातील विठ्ठलनगर भागात २७ मे ला संध्याकाळच्या सुमारास ही घटना घडली. उद्यानात खेळण्यासाठी जात असलेल्या पाच वर्षीय रुद्र समाधान पागीरे या चिमुरड्याला भरधाव वेगाने येणाऱ्या अज्ञात वाहनाने जोरदार धडक दिली. धडकेनंतर रक्ताच्या थारोळ्यात पडलेल्या रुद्रला परिसरातील नागरीकांनी तत्काळ रुग्णालयात दाखल केले. प्रकृती खालावत असल्याने त्याला अधिक उपचारासाठी नाशिक येथे हलविण्यात आले. मात्र दुर्दैवाने उपचारा दरम्यान आज सकाळी त्याचा (Death) मृत्यू झाला.
वाहन चालकाचा शोध सुरु
या संपुर्ण घटनेने विठ्ठल नगर परिसर हादरला असून चिमुकल्याला (Accident) धडक दिल्यानंतर वाहन चालक तेथून फरार झाला. यामुळे परिसरातील सीसीटीव्ही फुटेजच्या आधारे या वाहनाचा शोध घेऊन वाहन चालका विरोधात कठोर कारवाईची मागणी परिसरातील संतप्त नागरीकांनी केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.