Nashik News : नाशिकमध्ये चक्क महिलेने चोरली दुचाकी, घटना CCTV मध्ये कैद, पाहा व्हिडिओ

>> तबरेज शेख, नाशिक

Nashik Bike Theft News : तुम्ही आझपर्यंत पुरुष चोरट्यांनी बाईक चोरल्याचे ऐकले किंवा पाहिले असेल. परंतु नाशिकमध्ये चक्क एका महिलेने बाईक लंपास केली आहे. नाशिकरोड येथील शिखरेवाडी परिसरातील एका सोसायटीच्या पार्किंमधून एका महिलेने बाईक चोरून नेली आहे. ही चोरी घटनास्थळी असलेल्या सीसीटीव्ही कॅमेऱ्यात कैद झाली आहे.

गेल्या काही दिवसांपासून नाशिकमध्ये दुचाकी चौरीच्या घटना वाढल्या आहेत. मात्र आता त्यात महिला चोरांचाही समावेश असल्याची माहिती समोर आली आहे. नाशिकरोड येथील शिखरेवाडी परिसरातील श्री आंबा सोसायटीच्या पार्किंगमध्ये महिलेने दुचाकी चोरून नेल्याची घटना घडली आहे.

रात्रीच्या सुमारास या ठिकाणी अमोल सॅम्युअल गायकवाड यांची दुचाकी उभी होती. ती दुचाकी एका अज्ञात महिलेने चोरून नेली आहे. महिलेने दुचाकी चोरल्याची घटना सोसायटीत लावलेल्या CCTV कॅमेरात कैद झाली आहे.

तुम्ही या व्हिडिओत पाहू शकता, तोंड बांधून पायी चालत आलेली ही महिला श्री आंबा सोसायटीमध्ये आली आणि तिने पार्किंगमध्ये उभी केलेली गायकवाड यांची दुचाकी चोरून नेली. याबाबत नाशिकरोड पोलीस ठाण्यात चोरीचा गुन्हा दाखल करण्यात आला आहे. पोलीस CCTV फुटेजच्या आधारे या महिलेचा शोध घेत आहेत. (Latest Marathi News)