Manmad Bajar Samiti : मनमाड बाजार समिती बंद; हमाली, तोलाई, भराई कपात संदर्भाचा निर्णय लांबला

अजय सोनवणे 

मनमाड (नाशिक) : कृषी उत्पन्न बाजार समितीमध्ये शेतकरी वर्गाच्या हिशोब पट्टीतून हमाली, तोलाई, भराई कपात संदर्भात कोणताही तोडगा निघालेला नाही. यामुळे हमाल- मापाडी यांनी काम बंद पुकारले आहे. परिणामी (Manmad) मनमाड बाजार समिती बंद राहणार आहे. याचा फटका शेतकऱ्यांना बसणार आहे. (Tajya Batmya)

नो वर्क नो वजेस आदेशाची तातडीने अंमलबजावणी करावी; अशी मागणी (farmer) शेतकऱ्यांनी बाजार समिती प्रशासनाकडे केली होती. यासंदर्भात व्यापारी व हमाल- मापाडी प्रतिनिधी यांच्यात बैठक झाली. मात्र त्यात कुठलाही ठोस निर्णय होऊ शकला नाही. त्यामुळे बाजार समितीत (Bajar Samiti) लिलाव प्रक्रियेत कुठलाही अडथळा निर्माण होऊ नये व शेतकऱ्यांची गैरसोय होऊ नये; यासाठी पुढील आदेशापर्यंत बाजार समिती बंद ठेवण्याचा निर्णय घेण्यात आला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

कांदा लिलाव राहणार बंद 

व्यापारी वर्ग व हमाल- मापाडी प्रतिनिधी यांच्या समवेत झालेल्या बैठकीत कुठलाही तोडगा न निघाल्याने हमाल- मापाडी यांनी बाजार समितीला पत्र देत बाजार समिती बंद ठेवण्याचा निर्णय घेतला आहे. त्यामुळे पुढील आदेशापर्यंत आजपासून मनमाड बाजार समितीमध्ये कांद्याचे लिलाव बंद राहणार आहे.