Nashik Crime News : मालेगावातील शेतकरी महिलेचा मारेकरी सापडला; हत्येचं कारण ऐकून पोलिसही चक्रावले!

अजय सोनवणे

Nashik News : नाशिकच्या मालेगाव(Malegaon) तालुक्यातील दहिदी शिवारात कांद्याच्या शेतात पाणी भरायला गेलेल्या सुमनबाई बिचकुले या विवाहत महिलेचा दोन दिवसांपुर्वी अज्ञात व्यक्तीने खून केल्याची घटना घडली होती. अज्ञाताने महिलेचे दोन्ही पाय फावड्याने तोडून तिच्यावर वार करत तिचा खून केला होता.

जिल्हा पोलीस (Police) अधिक्षकांनी तात्काळ याची दखल घेत तपासाची चक्र फिरवली, आरोपीने महिलेला शेतात एकटी असल्याच पाहून तसेच तिच्या अंगावर असलेले चांदीचे दागिने पाहून तिला फरफटत जंगलात नेले.

तसेच तिच्या पायावर वार करत पायातील चांदीचे दागिने पाय तोडून काढत फरार झाला होता. पोलिसांच्या पथकाने तपास करीत फरार आरोपीला ताब्यात घेतले. संशयित आरोपी चांदीचे दागिने घेऊन जिल्ह्यातील करंजवण येथील सोनाराकडे गेला असता संबंधित सोनाराने याची माहिती पोलिसांना दिली. (Nashik Crime News)

आरोपी डोंगराळे शिवारात असल्याची माहिती मिळताच पोलिसांनी सापळा रचला. मात्र पोलिसांना पाहताच आरोपीने तलावात उडी मारली. अखेर दोघा पोहणाऱ्यांच्या मदतीने त्याला बाहेर काढण्यात आले असून त्याला ताब्यात घेण्यात आले आहे. लूट करण्याच्या उद्देशाने आरोपी किरण याने हे कृत्य केले असून या प्रकरणी गुन्हा दाखल करण्यात आला आहे.