Nashik: गंजमाळ परिसरात दोन गटात तुफान राडा; एकमेकांवर दगडफेक

तबरेज शेख

नाशिक - गंजमाळ परिसरात दोन गटात तुफान राडा झाला. एकमेकांवर दगडफेक केल्याने काही वेळ परिसरात तणावाचे वातावरण निर्माण झाले होते. दगडफेकीची घटना आणि रस्त्यावर जमलेल्या गर्दीने वाहतुकीस अडथळा निर्माण झाला होते .या ठिकाणी उभे असलेल्या वाहनांचे नुकसान झाल्याची माहिती समोर आली आहे. भद्रकाली पोलिसांना या घटनेची माहिती मिळताच त्यांनी घटनास्थळी धाव घेतली. पोलिसांनी (Police) परिस्थिती नियंत्रणात आणण्यासाठी शर्तीचे प्रयत्न केले. अखेर पोलिसांच्या तासाभराच्या प्रयत्नानंतर परिस्थिती नियंत्रणात आली.

हे देखील पाहा -

दरम्यान दोन्ही गटातील नागरिकांनी परस्पर विरोधी तक्रार देण्यासाठी पोलीस ठाण्यात मोठ्या प्रमाणावर गर्दी केली होती. त्यामुळे काही वेळ पोलीस ठाण्यात देखील तणावाचे वातावरण निर्माण झाले होते. किरकोळ कारणावरून दोन गटात झालेल्या तुफान हाणामारीचे दगडफेकीत रूपांतर झाले. त्यामुळे गंजामाळ सह परिसरात तणावाचे वातावरण निर्माण झाले होते.

यापूर्वी परिसरात अशा प्रकारचा वाद झाला आहे. वारंवार होणाऱ्या अशा घटनांना आळा बसावा. यासाठी पोलिसांनी योग्य ती कारवाई करावी अशी मागणी नागरिकांनी केली आहे. दरम्यान वरिष्ठ अधिकाऱ्यांसह पोलीस कर्मचारी घटनास्थळी दाखल झाले असताना त्यांच्यासमोर संशयीतांकडून मोठ्या प्रमाणावर वाद घालत एकमेकांवर दगडफेक केली जात होती.

यात वरिष्ठ अधिकारी बाल बाल बचावले.भद्रकाली पोलिसांनी दोन्ही गटातल्या लोकांवर गुन्हे दाखल करण्यात आला आहे. तर गंजमाळ परिसरात मोठ्या प्रमाणात पोलीस बंदोबस्त लावण्यात आला आहे. तर परिसरात तणावपूर्ण शांतता आहे.