Nashik Crime : काल कृष्णा आंधळे दिसल्याची चर्चा, आज ऐन सणासुदीच्या दिवशी तरुणाची हत्या; नाशिक हादरलं

नाशिक : राज्यात दिवसेंदिवस गुन्हेगारीचं प्रमाण वाढत चाललं आहे. बीडच्या मस्साजोग येथील दिवंगत सरंपच संतोष देशमुख यांच्या हत्येनं संपूर्ण महाराष्ट्र सुन्न झाला. त्या हत्येतील मुख्य आरोपी कृष्णा आंधळे हा काल नाशिकमध्ये दिसून आल्याची माहिती मिळाली होती. त्यामुळे शहरातील पोलीस अलर्ट मोडवर आले आहेत. त्याचदरम्यान, आज ऐन सणासुदीच्या दिवशी नाशकात एका तरुणाची हत्या झाली आहे. त्यामुळे शहरात भीतीचं वातावरण पसरलं आहे.

होळीच्या दिवशी नाशकात तरुणाची हत्या झालीय. शहरातील सिडको भागातील उत्तम नगर येथील शुभम पार्क, सेट जोसेफ चर्चच्या समोर ही धक्कादायक घडना घडली आहे. सुमित देवरे असं मृत्यू झालेल्या तरुणाचं नाव आहे. हत्या करून संशयित आरोपी मात्र घटनास्थळावरुन फरार झाले आहेत. सणासुदीच्या दिवशी घडलेल्या घटनेमुळे परिसरात एकच खळबळ उडाली आहे. हत्येचं कारण अद्याप अस्पष्ट असून घटनास्थळी अंबड पोलीस दाखल झाले आहेत, पुढील तपास ते करत आहेत.