Shahada: मध्यरात्री अज्ञातांकडून पेट्रोल टाकून मोटरसायकल, जनरेटर जाळल्याचा प्रकार

नंदुरबार : शहादा शहरातील गरीब नवाज कॉलनीत मध्यरात्री चार चाकी वाहनाने आलेल्या दोन अज्ञात इसमांनी जनरेटर व दोन दुचाकींवर पेट्रोल (Petrol) टाकून जाळण्याचा प्रकार समोर आला आहे. हे कृत्य सीसीटीव्ही (CCTV) कॅमेरात कैद झाले असून नागरिकांनी याबाबत पोलिसांना खबर दिली आहे. (Nandurbar Shahada News)

शहादा (Shahada) पोलीस याबाबत अधिक तपास करीत आहे. सीसीटीव्ही कॅमेरात कैद झालेले दोन्ही अज्ञात व्यक्ती चार चाकी वाहनाने आल्यानंतर तोंडाला मास्क लावून गाड्या व जनरेटरवर पेट्रोल टाकून जाळत असल्याचे समोर आले आहे. याबाबत स्थानिक नागरिकांनी लागलीच पोलिसांना (Police) माहिती दिल्याने घटनास्थळी पोलिसांनी दाखल होत.‌ गाड्या विजवल्याची माहिती स्थानिक नागरिकांना दिली आहे.

आग लावून फरार

अज्ञात माथेफिरूनी चार जनरेटर व दोन दुचाकींवर पेट्रोल टाकून आग लावल्यानंतर पोबारा केला होता अशी माहिती स्थानिक नागरिकांनी दिली आहे. या घटनेबाबत अधिक तपास शहादा पोलीस करीत आहे.