थंडीचा जोर वाढला; तोरणमाळला ११ अंश सेल्सिअस तापमान

नंदुरबार : जिल्ह्यात सध्या हुडहुडी वाढली असून शहरी भागात तापमान १३ अंश सेल्सिअसपर्यंत पोहोचले आहे. तर थंड हवेचे ठिकाण म्हणून म्हणून प्रसिद्ध असलेल्या तोरणमाळ (Toranmal), डाब, मोलगी परिसरात तापमान (Temperature) ११ अंश सेल्सिअसवर पोहोचले आहे. (nandurbar-news-The-cold-intensified-11-degree-Celsius-temperature-in-Toranmal)

मागील दोन दिवसांपासून गारठा वाढला आहे. काहीसे ढगाळ वातावरण राहिल्‍यानंतर थंडीचा कडाका जाणवू लागला आहे. उत्तर महाराष्ट्रातील नंदुरबारच्या (Nandurbar) तोरणमाळ, डाब, मोलगी परिसरात हुडहुडणारी थंडीने जनजीवन विस्कळीत होत आहे. तसेच जिल्ह्याच्या अनेक गावांमध्ये थंडीमुळे रस्त्यावर सकाळी उशीरापर्यंत सामसूम दिसत आहे.

थंडी वाढणार

जिल्ह्यात पुढील काही दिवस थंडीची लाट येण्याची शक्‍यता कृषी विज्ञान केंद्र हवामान शास्त्रज्ञ सचिन फड यांनी व्यक्त केली आहे. नागरिकांनी थंडीपासून बचावासाठी गरम कपडे परिधान करावे तसेच केळी, पपई फळबागा प्लास्टिकने गुंडाळावे, गाय, बैल, बकरी आदी जनावरांना उघड्यावर न बांधता बंद घरात गोठ्यात बांधावे, कुक्‍कुट पालन शेतकऱ्यांनी शेडला पडदे लावून १०० डिग्री तापमान लाईटचा वापर करावा, असे आव्हान कृषी विज्ञान केंद्रातर्फे करण्यात येत आहे.