NCP News: केंद्र सरकारच्या विरोधात राष्ट्रवादीचे सिलेंडर आंदोलन

सागर निकवाडे

नंदूरबार : देशात दिवसेंदिवस महागाई वाढत जात आहे. मात्र सरकार गोरगरिबांच्या विचार न करतांना दिसून येत आहे. सध्या घरगुती आणि व्यवसाय सिलेंडर यांची किंमत वाढवण्यात आले असल्याच्या विरोधात आज (Nandurbar) नंदुरबार राष्ट्रवादी काँग्रेस पार्टीच्यावतीने (NCP) आंदोलन करण्यात आले. (Live Marathi News)

नंदुरबार शहरातील सुभाष चौक परिसरात असलेल्या पेट्रोल पंपच्या बाहेर घरगुती सिलेंडर ठेवून केंद्र सरकारच्या विरोधात जोरदार घोषणाबाजी करत आंदोलन केले आहे. घरगुती गॅस सिलेंडरचे पन्नास रुपये तर व्यवसायिक सिलेंडरचे ३५० रुपये दर वाढवण्यात आले आहेत. सिलेंडरचे दर वाढल्याने घराच्या आर्थिक गणित कोडमोडत आहे.

घरगुती सिलेंडर अकराशे पन्नास रुपयाचं झाला आहे. तर व्यवसायिक सिलेंडर हे २ हजाराच्या वर गेले असल्याने यामुळे अनेक गोष्टी महाग होण्याची देखील आता शक्यता आहे. मात्र केंद्र सरकार या गोष्टींकडे दुर्लक्ष करताना दिसून येत आहे. याचा निषेध करण्यासाठी राष्‍ट्रवादीतर्फे सिलेंडर आंदोलन केले.