नंदुरबारच्‍या शिवसेना नेता व समितीकडून पुरग्रस्‍तांना दिले इतके लाख

नंदुरबार : शिवसेना नेते चंद्रकांत रघुवंशी परिवार आणि नंदुरबार तालुका विधायक समितीकडून राज्यातील पुर परिस्थीतीला मदतीचा हातभार लागावा या अनुशंगाने आज मुख्यमंत्री सहाय्यता निधीला २१ लाखांची मदत केली आहे. (nandurbar-news-flood-victims-by-the-Shiv-Sena-leader-and-committee-of-Nandurbar)

राज्यात निर्माण झालेल्या पुरपरिस्थीतीमुळे मुख्यमंत्री उद्दव ठाकरे यांनी वाढदिवस साजरा न करण्याचा निर्णय घेतला आहे. वाढदिवसाचा हा निधी पुरग्रस्तांच्या मदत कार्यासाठी देण्याचे आवाहनही त्यांनी केले होते. या आवाहनाला प्रतिसाद देत रघुवंशी परिवाराने पुढाकार घेतला आणि नंदुरबार तालुका विधायक समिती या संस्थेच्या शिक्षक आणि कर्मचाऱयांनी त्यांचा एक दिवसाचा पगार मदतकार्यासाठी जमा केला होता.

धनादेश जिल्‍हाधिकारींकडे सुपूर्द

यात आणखीन काही रक्कमेची भर टाकुन रघुवंशी परिवाराने २१ लाखांच्या मदतीचा धनादेश जिल्हाधिकारी मनिषा खत्री यांच्याकडे जमा केला. यावेळी नगराध्यक्षा रत्ना रघुवंशी, नंदुरबार तालुका विधायक समितीचे चेअरमन मनोज रघुवंशी, जि. प. माजी उपाध्यक्ष राम रघुवंशी यांच्यासह पदाधिकारी उपस्थित होते.