नंदुरबार : राज्‍य परिवहन महामंडळाचे कर्मचारी गेल्‍या अडीच महिन्‍यांपासून संपावर आहेत. तोडगा निघत नसल्‍याने कर्मचारी संपावर ठाम असून कामावर रूजू न होत असलेल्‍यांवर कारवाई केली जात आहे. अशीच बडतर्फीची कारवाई झालेल्‍या दोन कर्मचारींचा हृदयविकाराच्‍या झटक्‍याने मृत्‍यू झाल्‍याची घटना नंदुरबार (Nandurbar) येथे घडली आहे. (nandurbar news Death of two st employee Heart attack in the stress of side action)
एसटी महामंडळातील (MSRTC) कर्मचारी विलनीकरणाच्‍या मागणीसाठी संपावर (St Strike) आहेत. राज्‍य शासन तोडगा काढत नसल्‍याने कर्मचारी संप मागे घेण्याच्‍या तयारीत नाही. यामुळे महामंडळाने देखील कारवाईचा बडगा उचलला आहे. या कारवाईच्या तणावातून राज्‍यातील अनेक कर्मचाऱ्यांचा मृत्‍यू झाला असून आज देखील नंदुरबार बस आगारात दोन कर्मचाऱ्यांचा मृत्‍यू झाला.
एकाच दिवशी दोघांचा मृत्‍यू
नंदुरबार बस आगारातील दोन संपकरी कर्मचाऱ्यांचा एकाच दिवशी ह्रदयविकाराच्या धक्याने मृत्यु झाला. वाहक युवराज सुका भिल (वय ५२) व चालक अनिल चौरे वाघाळेकर (वय ४५) असे मृत संपकरी कर्मचाऱयांची नावे आहे. दोघे कर्मचारी बडतर्फीच्या कारवाईने तणावात असल्याने त्‍यांचा मृत्यु झाल्याचा आरोप नातेवाईकांनी केला आहे.
बसस्थानकात पोलिसांचा फौजफाटा
दोन कर्मचारींचा मृत्‍यू झाल्‍यानंतर जोपर्यत या प्रकरणी सदोष मनुष्‍यवधाचा गुन्हा दाखल होत नाही. तोपर्यत शवविच्छेदन होवु देणार नसल्‍याची कुटुंबांनी आक्रमक भुमिका घेतली. शिवाय संपकरी कर्मचारी देखील आक्रमक झाल्‍यामुळे बसस्‍थानक आवारात तणावाचे वातावरण निर्माण झाले होते. यामुळे नंदुरबार बसस्थानकात आंदोलनस्थळी पोलीस फौजफाटा तैणात केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
